Դովլաթովի դուստրը հեգնանքով է պատասխանել Ադրբեջանին

Արդեն հայտնել ենք, որ Ադրբեջանի ԱԳՆ-ն մտադիր է իր հայտնի «սեւ ցուցակում» ներառել  գրող Սերգեյ Դովլաթովի ընտանիքի անդամներին: Պատճառն այն է, որ գրողի կինը՝ Ելենա Բրոդսկայան, և դուստրը՝ Կատերինա Դովլաթովան, այցելել են ԼՂՀ:

Դովլաթովի դուստրը` Եկատերինան, Facebook-ի իր էջում հեգնանքով մեկնաբանել է Ադրբեջանի այս որոշումը:

«Մեկ օր էլ չէր անցել ԼՂՀ իմ այցից, երբ ես հուզումնալից նամակ ստացա ադրբեջանցի լրագրողից, որում ինձ հայտնում են, որ ես «խախտել եմ Ադրբեջանի Հանրապետության «Սահմանի մասին» օրենքը  և «սև ցուցակում» ընդգրկվել: Երևում է` ես ու մայրս Ադրբեջանի հյուրը չենք լինի երբևէ: Ինչպե՞ս ենք այդ հարվածին դիմանալու»,- գրել է նա: