Ադրբեջանը տեսել է, որ Պուտինը զբաղված է Սիրիայով, դրա համար էլ ակտիվացել է. Տիգրան Կարապետյան

Երբ աշխարհում իրադրությունը փոխվում է, մեզ մոտ էլ է փոխվում: Այսօր լրագրողների հետ հանդիպման ժամանակ այսպես մեկնաբանեց վերջին օրերին հայ-ադրբեջանական սահմանին առկա լարվածությունը Ժողովրդական կուսակցության ղեկավար Տիգրան Կարապետյանը:

Ըստ նրա` Ադրբեջանը տեսել է, որ Պուտինը զբաղված է Սիրիայով, դրա համար էլ ակտիվացել է: «Ադրբեջանը մի լավ պատասխան ստացավ: Չեմ կարծում, որ նրանք միտված են բանը պատերազմի տանելուն, դա նրանց ձեռք չի տալիս»,- ասաց Կարապետյանը:

Ըստ նրա` կրակոցներ էլի կլինեն, քանի որ Ադրբեջանում սպասվում են խորհրդարանական ընտրություններ, և տեղի իշխանությունն օգտագործում է այդ խաղաքարտը: