Մալաթիայում տղամարդը ձերբակալվել է դանակի 30 հարվածով նախկին կնոջը սպանելու կասկածանքով

Արդեն հայտնել ենք, որ երեկ հերթական դաժան սպանություն է տեղի ունեցել Երեւանում: Մալաթիա համայնքում գործող վարագույրի խանութի սրահում հայտնաբերվել է 38-ամյա Հեղինե Դարպազյանի դին: Կնոջ դիակի վրա հայտնաբերվել են 30-ից ավելի` սուր կտրող-ծակող առարկայից ստացած հետքեր: Պարզվել է, որ նույն օրը` ժամը 14.45-ին, Մալաթիայի փողոցի թիվ 84/8 շենքին կից վարագույրների վաճառքի տաղավարում 1976 թ. ծնված Արտակ Ա.-ն իր մոտ եղած որսորդական դանակով հարվածել է նախկին կնոջ` 1977 թ. ծնված Հեղինե Դարբազյանի մարմնի տարբեր մասերին, ով ստացած մարմնական վնասվածքներից տեղում մահացել է:

Սպանություն կատարելու կասկածանքով Արտակ Առաքելյանին դեպքի վայրից բերման են ենթարկել բաժին այնուհետև տեղափոխվել հիվանդանոց:

ՀՀ քննչական կոմիտեից Yerkir.am-ը տեղեկացավ, որ Արտակ Առաքելյանը ձերբակալվել է: Դեպքի առթիվ հարուցվել է քրեական գործ՝ ՀՀ քրեական օրենսգրքի 104 հոդվածի 1-ին մասով (սպանություն):