«Գազպրոմ»-ը կքննարկի ռուսական ռուբլիով հաշվարկներ անելու հնարավորությունը

«Գազպրոմ»-ի տնօրենների խորհուրդը (ի թիվս այլ պետական հիմնարկների եւ բանկերի) կքննարկի արտահանման նոր պայմանագրերում ռուսական ռուբլիով հաշվարկներ անելու հնարավորությունը և ռուսական արժույթով հաշվարկների` հիմնավորված նվազագույն չափը. հայտնում է Интерфакс-ը:

Հարցը կքննարկվի հեռակա կարգով` տնօրենների խորհրդի անդամների կողմից լրացված քվեաթերթիկները կընդունվեն մինչև սեպտեմբերի 28-ը:

Հիշեցնենք, որ օրերս Բելառուսում տեղի ունեցած` ԵՏՄ կառավարության ղեկավարների խորհրդի նիստում վարչապետ Հովիկ Աբրահամյանը խոսել էր ռազմավարական ապրանքների առևտրաշրջանառությունը դոլարի փոխարեն ռուբլիով իրականացնելու անհրաժեշտության մասին` ընդգծելով, որ խոսքը մասնավորապես էներգակիրների առևտրաշրջանառությանն է վերաբերում: