Ձերբակալված ադրբեջանցի մարզիկը 2012-ին մահափորձ է նախապատրաստել Ալիևի դեմ

Արդեն հայտնել ենք, որ օրերս Կիևի օդանավակայանում ձերբակալվել է ադրբեջանցի մարզիկ Վալեխ Ջավանշիր  օղլու Ամիրալիևը, ով Ինտերպոլի կողմից միջազգային հետախուզման մեջ է գտնվում` «Ահաբեկչություն» հոդվածով հանցանք գործելու համար:

Բաքվում հայտնի են դարձել մարզիկի ձերբակալության մանրամասնեը. գրում է Независимая газета-ն:

Պարզվել է, որ ձերբակալվածը սերտ կապեր է ունեցել Վուգար Պադարովի հետ, որը մեղադրվել է երկրում մի քանի ահաբեկչություններ նախապատրաստելու  մեջ Ադրբեջանում «Եվրատեսիլ-2012»-ի նախաշեմին Իլհամ Ալիևին սպանելու նպատակով։ Նշվում է, որ հանցավոր խումբը մի շարք այլ հանցագործությունների հեղինակ է և կապեր է ունեցել «Ալ Քաիդա»-ի հետ:

Հետաքննությունը երկար է տևել: Արդյունքում` 2013-ին խմբի մի շարք անդամներ կալանավորվել են, մյուսների նկատմամբ հետախուզում է հայտարարվել: