Հայ մարզիկը նվաճեց եզրափակիչի ուղեգիր

Օսլոյում երեկ մեկնարկած դահուկավազքի աշխարհի առաջնությանը 10 կմ տարածությունում ելույթ ունեցան Հայաստանի 4 ներկայացուցիչներ։

Բարձր վարկանիշ ունեցող դահուկորդները միանգամից իրավունք ունեին ելույթ ունենալ եզրափակիչում, իսկ ահա մյուս մասնակիցները որակավորման փուլում պայքարեցին 10 ուղեգրերի համար։

Հայ դահուկորդներից հաջող հանդես եկավ 18-ամյա Սերգեյ Միքայելյանը (Աշոցք), ով 47 մասնակիցների շարքում գրավեց 3-րդ հորիզոնականը և նվաճեց եզրափակչի ուղեգիր։

Մեր մյուս մասնակիցները դուրս մնացին տասնյակից. Թադևոս Պողոսյան (27), Շավարշ Գասպարյան (32), Հովհաննես Սարգսյան (40)։

Կանանց պայքարում ուղեգիր նվաճեց Սյուզաննա Վարոսյանը, ով 5կմ տարածությունում 8-րդ հորիզոնականը գրավեց 16 մասնակիցների միջև։ Վալյա Վարոսյանը հանգրվանեց 14-րդ տեղում և զրկվեց եզրափակիչում հանդես գալու հնարավորութունից: Վերջիններս Արթուր Միքայելյանի սաներն են: