Սերժ Սարգսյանը ՀԱՊԿ-ում խոսել է տարածաշրջանում իրավիճակի ապակայունացման վտանգի մասին

Հայաստանի եւ Ադրբեջանի սահմանին իրավիճակի սրումը հանգեցնում է ողջ տարածաշրջանի ապակայունացմանը։ Այդ մասին Դուշանբեում` ՀԱՊԿ Հավաքական անվտանգության խորհրդի նստաշրջանում, հայտարարել է ՀՀ նախագահ Սերժ Սարգսյանը. հայտնում է РИА Новости-ն:

ՀՀ նախագահը նշել է, որ ՀԱՊԿ անդամ երկրների նախագահները նեղ կազմով  հանդիպում են ունեցել և քննարկել մի շարք սուր հարցեր։ Նրա խոսքով` հանդիպումը, ավանդույթի համաձայն, անցել է վստահության մթնոլորտում:

«Ես ՀԱՊԿ անդամ պետությունների ղեկավարներին տեղյակ եմ պահել Հարավային Կովկասում տիրող իրավիճակի մասին՝ շեշտը դնելով  հայ-ադրբեջանական սահմանին և ղարաբաղա-ադրբեջանական շփման գծում լարվածության աճի զգալի սպառնալիքի վրա։  Չեմ ուզում դարձյալ կանգ առնել այդ հարցի վրա, միայն կընդգծեմ, որ իրավիճակի սրմանն ուղղված` ադրբեջանական փորձերը, միջազգային հանրության ադեկվատ արձագանքի բացակայության պարագայում, հղի են ողջ տարածաշրջանում իրավիճակի ապակայունացման վտանգով»,- ասել է ՀՀ նախագահը։