Հայտնի է Ագաթա Քրիստիի ամենահայտնի ստեղծագործությունը

Բրիտանացի գրող Ագաթա Քրիստիի ամենահայտնի ստեղծագործությունը «Տասը փոքրիկ նեգր»` գիրքն է: Ինչպես հայտնում է   The Guardian-ը, հայտարարվել է առցանց քվեարկություն, որին մասնակցել է 15 հազար մարդ ողջ աշխարհից եւ որի արդյուքնում վեպը ճանաչվել է դետեկտիվ գրողի լավագույն ստեղծագործությունը:

Երկրորդ տեղում  «Սպանություն Արևելյան ճեպընթացում» վեպն է, իսկ 3-րդ տեղում ՝ «Ռոջեր Էքրոյդի սպանությունը»: 

 Քվեարկությունն անցկացվել է Քրիստիի 125-ամյակի առթիվ, որ լրանում է սեպտեմբերի 15-ին։

«Տասը փոքրիկ նեգր» վեպը գրվել է 1939 թվականին: Գրողն ինքը այն համարում էր իր լավագույն ստեղծագործությունը: «Տասը փոքրիկ նեգր»-ը Ագաթա Քրիսթիի ամենաշատը վաճառված գիրքն է. Ողջ աշխարհում վաճառվել է գրքի 100 մլն օրինակ: