Քարդաշյանների անվտանգությունն ապահոված տղային վաղը կվիրահատեն

Արդեն տեղեկացրել ենք, որ Հայաստանում  Քարդաշյանների անվտանգությունն ապահոված «Պանտեռա» անվտանգության ծառայության հերթափոխի պետ Վարազդատ Խոցանյանը դաժան ծեծի է ենթարկվել: Հայտնել էինք նաև, որ Վարազդատն այժմ գտնվում է 1-ին համալսարանական հիվանդանոցի վերակենդանացման բաժանմունքում և վիճակը կայուն ծանր է:

Yerkir.am-ը հիվանդանոցի մամուլի խոսնակ Ալեքսանդրա Հարությունյանից տեղեկացավ, որ Վարազդատի վիճակը շարունակում է մնալ կայուն ծանր:

«Հայտնի է, որ անհրաժեշտ է վիրահատական միջամտություն: Վարազդատը բազմաթիվ կոտրվածնքեր ու վնասվածքներ ունի և մինչև հիմա նրան չեն կարողանում վիրահատել: Սակայն, այսօր արդեն կընթանան նախապատրաստական աշխատանքներ ու ամենայն հավանականությամբ վաղը կվիրահատեն»,- ասաց մամուլի խոսնակը:

Հիշեցնենք, նաև, որ անվտանգության ծառայության հերթափոխի պետ Վարազդատ Խոցանյանի գործով Ոստիկանություն բերման է ենթարկվել Հարություն Թանգամյանը, ով հայտնի գնդապետի որդի է: