Իրանը փակել է Թուրքիայի հետ սահմանակետերից մեկը. Sabah

Իրանը միակողմանիորեն փակել է Թուրքիայի հետ Բազարգան-Գյուրբուլաք սահմանակետը՝ բոլոր տիպի տրանսպորտային միջոցների համար:

Սյս մասին գրում է թուրքական Sabah թերթը եւ հավելում, որ նման հայտարարություն է տարածել Իրանի ճանապարհների եւ քաղաքային նախագծման փոխնախարար Դավուդ Քեշավերզիյանը:

Նա հայտնել է, որ  Թուրքիայի և Իրանի միջև ամենամեծ ցամաքային սահմանակետ Բազարգան-Գյուրբուլաքը (Մակու-Բայազետ) Իրանի կողմից փակվել է դեպի Թուրքիա մեկնող քաղաքացիների և տրանսպորտային բոլոր միջոցների համար։

Քեշավերզիյանը նշել է, որ այդ որոշումը կապված է օրեր առաջ Թուրքիայում իրանական բեռնատարների վրա տեղի ունեցած զինված հարձակման հետ:

Վերջինս հայտնել է նաև, որ թուրքական բեռնատարները կարող են այդ սահմանակետով մտնել Իրան: