«Կարևորը չմեռար». ասել է վարորդը վրաերթի ենթարկված կնոջն ու փախել

Քիչ առաջ արտակարգ դեպք է տեղի ունեցել Երևանում: Opel մակնիշի 35 TO 218 համարանիշի տաքսի ավտոմեքենայի վարորդը Կենտրոն Նորք Մարաշ վարչական շրջանների ընդհանուր իրավասության դատարանի հարևանությամբ վրաերթի ենթարկեց փողոցը չթույլատրելի հատվածով անցնող հետիոտն, 68-ամյա Հրածին Առաքելյանին, հայտնում է Shamshyan.com-ը: Վարորդը դեպքի վայրից դիմել է փախուստի: Վրաերթի ենթարկվածը վնասվածքներ չի ստացել, իսկ հավաքվածներին էլ ավելի շատ զայրացրել է այն փաստը, որ վրաերթի ենթարկող ճիվաղը, տեսնելով որ կինը ընկած է գետնին` փախչելուց առաջ մի բան է ասել` «Կարևորը չմեռար»:

Վարորդին և նրա ավտոմեքենան հայտնաբերելու համար հայտարարել են ավտոհետախուզում: