Բերանը կարած երիտասարդին դուրս են գրել հիվանդանոցից

Երևանի բնակիչ` 28-ամյա Հովհաննես Կարապետյանը նախօրեին Ազատության հրապարակում, ի նշան բողոքի, կարել էր բերանը: Yerkir.am-ի հետ զրույցում Երևանի ավագանու «Բարև Երևան» խմբակցության անդամ Դավիթ Սանասարյանը, ով անժամկետ հացադուլ է հայտարարել Ազատության հրապարակում, պատմեց, որ երիտասարդը, նման վարքագիծ դրսևորելով, ցանկացել է իր բողոքն արտահայտել ընդդեմ ռեժիմի:

Տեղեկացնենք, որ երիտասարդը, ընկերների հորդորով, համաձայնել է գնալ հիվանդանոց և քանդել բերանի կարերը:  Նրան տեղափոխել են «Գրիգոր Լուսավորիչ» բժշկական կենտրոն, որտեղից մեզ տեղեկացրեցին, որ երիտասարդի բերանի կարերը քանդել են և նրան դուրս գրել հիվանդանոցից: