«Չենք տալու». Բաղրամյանում նոր վանկարկումներ են հնչում

Բաղրամյան պողոտայում գտնվող ցուցարարներին մոտեցավ Երևանի փոխոստիկանապետ Վալերի Օսիպյանը, ով ևս մեկ անգամ տեղեկացրեց, որ հարկավոր է վերադարձնել «Սանիտեկ» ընկերությանը պատկանող աղբամանները: Ցուցարարները կրկին ընդդիմացան: Նրանցից մի քանիսը հայտարարեցին, որ աղբամաններով պատնեշն իրենց անվտանգության երաշխիքն է, և եթե հանկարծ ոստիկանությունը կրկին ջրցան մեքենա կիրառի, նրանք այդ աղբամանների օգնությամբ կպաշտպանվեն:

Զավեշտալի վիճակը Բաղրամյանում արդեն ձեւավորվում է որպես ավանդույթ: Ցուցարարները Օսիպյանին շարունակ դիմում էին «ընկեր Օսիպյան»-ով, և ուշագրավ է նաև այն, որ հիմա էլ ցուցարարները մեկ այլ բացականչությամբ են հանդես գալիս: Նրանք աղաղակում են. «Չենք տալու»: