Մի կողմ թողեք ձեր «ես»-երն ու անհապաղ կառավարություն ձևավորեք. Էրդողան

Թուրքիայի նախագահ Ռեջեփ Թայիփ Էրդողանը խորհրդարանական ընտրություններից 3 օր 22 ժամ անց ելույթ է ունեցել Շրջանավարտների միջազգային 4-րդ միջոցառման ժամանակ. գրում է Radikal-ը:

 «Պետք է բոլորը մի կողմ թողնեն իրենց «ես»-երն ու անհապաղ կառավարություն ձևավորեն: Ոչ ոչ չի կարող ստանձնել Թուրքիային առանց կառավարություն թողնելու պատասխանատվությունը: Ես իմ բաժին գործն անելու եմ: Ես Բայքալին էլ ասացի՝ արդյունքները մեր ժողովրդի կամքն են»,- ասել է նա:

Հիշեցնենք, որ երեկ Թուրքիայի նախագահը ընտրությունների մասին զրուցել էր ընդդիմադիր Ժողովրդա-հանրապետական կուսակցության նախկին նախագահ Դենիզ Բայքալի հետ: Սույն կուսակցության և «Արդարություն և զարգացում» կուսակցության կոալիցիա կազմելու հավանականության մասին թուրքական ԶԼՄ-ներում արդեն մի շարք լուրեր են շրջանառվում:

Ի դեպ, Էրդողանն իր ելույթում խոսել է Թուրքիայում ուսման կարևորության մասին, տվյալներ հայտնել ուսանողների թվի մասին և նշել, որ Թուրքիայում համալսարանն ավարտած յուրաքանչյուր օտար մասնագետի տվյալ երկրում որպես Թուրքիայի ապագա դեսպան է տեսնում: