Սպասվում է Դավութօղլուի հրաժարականը

Երեկ՝ խորհրդարանական ընտրություններից հետո, Թուրքիայի վարչապետ Ահմեդ Դավութօղլուն ելույթ է ունեցել այն պատշգամբից, որտեղից Թուրքիայի նախագահ Ռեջեփ Թայիփ Էրդողանը մինչ այս իշխող «Արդարություն և զարգացում» կուսակցության հաղթանակի մասին ելույթներ էր ունենում:

Ըստ Demokrathaber-ի՝ վարչապետ Դավութօղլուն, ով ընտրություններից առաջ խոստացել էր հրաժարական տալ միակ իշխող կուսակցությունը չլինելու դեպքում, ելույթի ընթացքում «մոռացել է» տված խոստումը: Թեև Էրդողանի և նրա սիրելի կուսակցությունը ընտրությունների արդյունքում դադարեց լինել միակ իշխող կուսակցությունը, Դավութօղլուն կրկնել է, որ հաղթողը դարձյալ իրենց կուսակցությունն է: Մեկ րոպե տևած ելույթում Դավութօղլուն նշել է, որ շարունակելու են «Նոր Թուրքիա» կերտելու` իրենց աշխատանքները:

Ի դեպ, ելույթի ընթացքում զգացվել է Դավութօղլուի` անտրամադիր լինելը: