Սահակաշվիլին խոստանում է վերադարձնել Իվանիշվիլիի փողերը վրացիներին

Վրաստանի նախկին նախագահ Միխեիլ Սահակաշվիլին խոստանում է, որ երկրի նախկին վարչապետ Բիձինա Իվանիշվիլին իրավական պատասխանատվության կենթարկվի, և նրա գումարները կվերադարձվեն վրաց ժողովրդին: Այդ մասին նա հայտարարել է «Ռուսթավի-2» հեռուստաընկերության եթերում. հայտնում է РИА Новости-ն։

«Միակ մարդը, ով ստիպված կլինի պատասխան տալ, դա Իվանիշվիլին է։ Մինչ այդ նա բազմամիլիարդանոց կարողություն կկուտակի։ Մի բան ես լավ սովորեցի Ուկրաինայում՝ ինչպես պետք է վերադարձնել փախած օլիգարխների գումարները...»,- ասել է Սահակաշվիլին:

Նրա խոսքով՝ Իվանիշվիլին, բազմոցին պառկած, հրամաններ է տալիս և ղեկավարում երկիրը և ոչ մի բանի համար պատասխան չի տալիս, սակայն «նա ստիպված կլինի իրավական պատասխան տալ»։