կարևոր
397 դիտում, 27 րոպե առաջ - 2026-11-17 13:47
Հասարակություն

Ավտովթար` Գեղարքունիքի մարզում. բախվել են «Mercedes»-ը, «Toyota»-ն և «ՎԱԶ»-ը. կա վիրավոր

Ավտովթար` Գեղարքունիքի մարզում. բախվել են «Mercedes»-ը, «Toyota»-ն և «ՎԱԶ»-ը. կա վիրավոր

Նոյեմբերի 15-ին շղթայական ավտովթար է տեղի ունեցել Գեղարքունիքի մարզում։ Ժամը 11:40-ի սահմաններում Սևան-Մարտունի-Գետափ ավտոճանապարհի 62 կմ հատվածում՝ Մարտունի խոշորացված համայնքի վարչական տարածքում, բախվել են Երևանի բնակիչ 56-ամյա Արայիկ Ղուկասյանի վարած «Mercedes» մակնիշի, Գեղարքունիքի մարզի բնակիչներ 48-ամյա Արթուր Բաղդասարյանի վարած «Toyota» մակնիշի և 76-ամյա Ամրո Կիրակոսյանի վարած «ՎԱԶ» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Ամրո Կ.-ն մարմնական վնասվածքներով տեղափոխվել է «Մարտունի» բժշկական կենտրոն։ Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Գեղարքունիքի մարզի գումարտակի պարեկները և ոստիկանության Մարտունու բաժնի համայնքային ոստիկանները։

Վթարի փաստով ՀՀ Քննչական կոմիտեի Գեղարքունիքի մարզային քննչական վարչության Մարտունու քննչական բաժնում նախաձեռնվել է քրեական վարույթ։

Ֆոտոլրագրողի տեղեկություններով՝ վարորդներից Արայիկ Ղ․-ն աշխատում է «Դուստր Մարիաննա»-ի կաթնամթերքի գործարանում։