ՀՀԿ-ն մտահոգ է

Այսօր ՀՀԿ ԳՄ նիստից հետո ՀՀԿ անդամ, ԱԺ փոխնախագահ Հերմինե Նաղդալյանը պատասխանեց լրագրողների հարցին, թե ինչ ակնկալիքներ ունի Հանրապետական կուսակցությունը վաղը Ռիգայում կայանալիք՝ ԵՄ Արևելյան գործընկերության գագաթաժողովից։

«Կարծում եմ` վաղը, մյուս օրը պարզ կլինի, թե ինչ բնույթ կունենան փաստաթղթերը: Ներկայում աշխատանքային պրոցես է ընթանում, որի ընթացքում Հայաստանը փորձում է նախկինում  արդեն գոյություն ունեցող և սստանձնած պարտավորություններին համահունչ հանդես գալ»,- նշեց Նաղդալյանը` տեղեկացնելով, որ ԳՄ նիստի ժամանակ ՀՀ նախագահը գագաթաժողովից իր սպասելիքներից չի խոսել։

ԱԺ փոխնախագահն անդրադարձավ նաեւ այսօր երեկոյան իրենց կուսակից, Սյունիքի մարզպետ Սուրիկ Խաչատրյանի մեքենայի ուղղությամբ արձակված կրակոցներից:

«Հարցը նախ՝ մասնագետների վերլուծության և մասնագիտական գնահատականի կարիք ունի»,,- ասաց Նաղդալյանը` շեշտելով, որ հարցը կուսակցության ներսում մտահոգություն է առաջացրել։

Հերմինե Նաղդալյանը ավելացրեց, որ ԳՄ նիստում քննարկվել են ներկուսակցական հարցեր: