Մարդկային կապիտալի վարկանիշային աղյուսակում Հայաստանը տարածաշրջանում առաջատար է

Համաշախարհային տնտեսական ֆորումը եւ Mercer ընկերությունը ներկայացրել են  մարդկային կապիտալի ամենամյա վարկանիշային աղյուսակը՝ The Human Capital Report 2015:

Աղյուսակում ընդգրկված է 124 պետություն:

Առաջին տեղում Ֆինլանդիան է: Լավագույն հնգյակում են Նորվեգիան, Շվեյցարիան, Կանադան եւ Ճապոնիան:

Հայաստանը 43-րդ տեղում է: Նախկին խորհրդային երկրներից լավագույն հորիզոնականում է Էստոնիան (16-րդ):

Ռուսաստանը 26-րդ հորիզոնականում է, ԱՄՆ-ը 17-րդ:

Հարեւան երկրներից Ադրբեջանը 63-րդ տեղում է, Թուրքիան՝ 68-րդ, Իրանը 80-րդ:

Վրաստանն աղյուսակում ընդգրկված չէ:

Վարկանիշային աղյուսակում հաշվարկվում է  մարդկային կապիտալի գործակիցը, որ ներառում է 46 ցուցանիշ, այդ թվում՝ կյանքի որակ, գրագիտության  եւ կրթության մակարդակ, աշխատուժի որակավորում եւ կյանքի տեւողություն: