Շառլոթ Էլիզաբեթ Դիանա. բրիտանական գահի ամենափոքր ժառանգորդը

Քեմբրիջի դքսի եւ դքսուհու դուստրն արդեն անուն ունի՝ Շառլոթ Էլիզաբեթ Դիանա. այդ մասին BBC-ի տեղեկացմամբ, հայտնում են Քենսինգթոնյան պալատից:

Ինչպես հայտնում է Ինտերֆաքսը, փոքրիկի պաշտոնական տիտղոսն է Նորին թագավորական գերազանցություն Քեմբրիջի արքայադուստր:

Վիլյամի եւ Քեյթի  3.7 կգ քաշով աղջիկը, ով, ի դեպ, բրիտանական գահի հավակնորդներից չորրորդն է,  ծնվել էր մայիսի 2-ին՝ Լոնդոնի Սուրբ Մարիամ հիվանդանոցում:

Նշենք, նաեւ, որ մինչ աղջկա ծնվելը բուքմեյքերները հայտարարել էին, որ 500 հազար ֆունտ ստեռլինգ կվճարեն  արքայական թագի ժառանգորդների ընտանիքում երկրորդ երեխայի անունը գուշակողին: 

Շրջանառվում էին Ալիսա,   Էլիզաբեթ, Շառլոթ, Վիկտորյա և Դիանա անունները: 

Շառլոթ Էլիզաբեթ Դիանան Վիլյամի եւ Քեյթի երկրորդ երեխան է. 2013-ին ծնվել է նրանց որդին՝ Ջորջը: