Վրաստանն ապրիլի 24-ին պատվիրակություն կուղարկի Երևան և Թուրքիա

Վրաստանի պատվիրակությունները կմեկնեն Հայաստան և Թուրքիա՝ ապրիլի 24-ին նախատեսված միջոցառումներին մասնակցելու համար. հայտնում է Грузия- Онлайн-ը:

Հայաստան` Ցեղասպանության 100-ամյակին նվիրված միջոցառումներին մասնակցելու, կուղարկվի  Վրաստանի խորհրդարանի փոխնախագահ Մանանա Կոբախիձեի գլխավորած պատվիրակությունը: Կոբախիձեն խորհրդարանում գլխավորում է Հայաստանի հետ բարեկամության խումբը։

Թուրքիայում Գալիպոլիի ճակատամարտի 100-ամյակին նվիրված միջոցառումներին կմասնակցեն Վրաստանի պաշտպանության նախարար Մինդիա Ջանելիձեն և անվտանգության և պաշտպանության հարցերով խորհրդարանական հանձնաժողովի նախագահ Իրակլի Սեսիաշվիլին։