Ով նախագահին հայհոյի, նույնը կլինի. Արամ Մանուկյանին ծեծի ենթարկածը կարծիքը չի փոխել

ՀԱԿ պատգամավոր Արամ Մանուկյանին ծեծի ենթարկելու մեջ մեղադրվող Արշակ Սվազյանը, եթե ՀՀ նախագահին վիրավորելու կամ հայհոյելու վերաբերյալ այլ տեսանյութ դիտի, պատրաստ է այդ հայհոյողներին էլ ապտակել: «Որովհետև նա իմ գերագույն հրամանատարն է, ինքը իմ նախագահն ա: Ով նախագահին հայհոյի, նույնը կլինի»,- իր վերաբերյալ քննվող դատական նիստի ավարտին, լրագրողների հարցին ի պատասխան, ասաց նա:

Այս կապակցությամբ yerkir.am-ը ՀԱԿ պատգամավորից հետաքրքրվեց` արդյո՞ք Սվազյանը, գտնվելով ազատության մեջ, վտանգ չի ներկայացնում:

«Վտանգ ներկայացնում են նրա տերերը՝ կազմակերպիչները, պատվիրողները, նա պարզապես գործիք է, իսկ գործիքը վտանգավոր չէ, գործիք կիրառողն է վտանգավոր»,-պատասխանեց նա: Արամ Մանուկյանի խոսքով՝ անիմաստ է լուրջ վերաբերվել դատական գործընթացին: «Զարմանալի է, երբ մեղադրանքը պաշտպանող դատախազը համահունչ, ներդաշնակ պաշտպանում է ամբաստանյալի պաշտպանի դիրքորոշումը»,- ասաց նա:

Մանրամասները՝ yerkir.am-ի տեսանյութում: