«100-ամյակն առանց ռեժիմի»-ն փորձում է օգտվել 100-րդ տարելիցի «միջոցառման» արդյունքից

Այն, որ «100-ամյակն առանց ռեժիմի» նախաձեռնության անդամները ցանկություն ունեն ապրիլի 24-ին ինչ-որ միջոցառում կազմակերպել, երգիչ-երգահան Արտավազդ Բայաթյանի կարծիքով, նման բաները կարող են լավ ավարտ չունենալ: Ըստ նրա` այս ամենը կարող է ընկալվել իբրև թե մեր` ոչ միասնական լինել: «Ոչ մի բան չպետք է խառնել իրար, Ցեղասպանությունը ո'չ կոմունիստներինն է, ո'չ հանրապետականներինը: Պետք չէ եղածին ինչ-որ բան կպցնել, որ հաղթանակ տանել, մարդիկ հաղթանակում են իրենց սեփական ծրագրով»,- ասում է Բայաթյանը:

Հովհ. Թումանյանի անվան տիկնիկային թատրոնի տնօրեն Ռուբեն Բաբայանն էլ կարծում է, որ Ցեղասպանության 100-րդ տարելիցը դառնում է միջոցառում, և նրանք էլ փորձում են օգտվել այդ «միջոցառման» արդյունքներից: «Եթե դու վստահ ես, որ մարդիկ քո գաղափարներից կարող են օգուտ քաղել, ապա քո միջոցառումը կազմակերպի մեկ այլ օր, ոչ թե օգտվի այն փաստից, որ ապրիլի 24-ին լիքը մարդ է հավաքվելու մեկ վայրում: Ինձ համար նրանց այս քայլն ընդունելի չէ»,- ասաց նա: