Հրաչ Մուրադյանի սպանության բացահայտման համար խորհուրդ են տալիս ուսումնասիրել անցյալի դեպքերը

Պռոշյանի գյուղապետ, ազատամարտիկ Հրաչ Մուրադյանի սպանությունից անցել է երկու տարի: Նրա հիշատակին հարգանքի տուրք մատուցեցին հերոսի հարազատները, մարտական ընկերներն ու կուսակիցները:

«Ընկեր Հրաչի զոհվելը պետք է մեզ համար դաստիարակչական լինի, ինչպես որ նրա ապրած կյանքը: Ընկեր Հրաչն այն քիչ տիպարներից է, ովքեր գիտեն հարկ եղած ժամանակ մարտի դաշտ գնալ, հայրենիքին նվիրվել այնպես, ինչպես կնվիրվեր մարտի դաշտում»,- ասաց ՀՅԴ Բյուրոյի անդամ Կիրո Մանոյանը:

Նա yerkir.am-ի հետ զրույցում կարծիք հայտնեց, որ ընկեր Հրաչի սպանության բացահայտումն ի սկզբանե սխալ ուղղությամբ է տարվել: «Այն փաստը, որ մինչև հիմա չի բացահայտվել, վկայում է այն մասին, որ ճիշտ ուղղությամբ չեն գնացել: Նախկինում նրա նկատմամբ եղել է մահափորձ, այդ ուղղությամբ քննություն չի տարվել:Անհրաժեշտ է անցյալի դեպքերը ևս ուսումնասիրել»,- նշեց Մանոյանը:

Հրաչ Մուրադյանի մարտական ընկեր Ռաֆիկ Ղազինյանն իր ելույթում նույնպես խորհուրդ տվեց ուսումնասիրել անցյալը: «Քննեք ընտրությունների ընթացքը և կգտնեք այն ճիվաղին` թուրքին, ով սպանեց Հրաչին աշխատավայրի դիմաց»:

Մանրամասները` yerkir.am-ի տեսանյութում