Հրաձգություն. ավարտվեց Եվրոպայի առաջնությունը

Երեկ՝  մարտի 8-ին, Նիդերլանդներում ընթացող Եվորպայի առաջնությունում պայքրաի մեջ ներգրավվեցին Հայաստանը ներկայացնող  Հարչիկ Բաբայանն ու Քրիստիան Լաուերը օդամղիչ հրացան ,10մ, 60 կրակոց վարժությունում: 63 տղամարդկանց պայքարում  18-ամյա  Հրաչիկ Բաբայանը խոցել է 622,0 միավոր և գրավել 18-րդ տեղը: Հայաստանի մյուս ներկայացուցիչ Քրիստիան Լաուերը 614,8 միավորով գրավել է 54-րդ տեղը:

Այսքանով ավարտվեց  Հոլանդիայի Արնհեմ քաղաքում տեղի ունեցող հրաձգության  Եվրոպայի առաջնաությունը, որին մասնակցում էր 43 երկրի 521 մարզիկ, որից 11-ը Հայաստանի ներկայացուցիչներ էին: Հայ մարզիկները մասնակցում էին հավաքական թիմի գլխավոր մարզիչ Սեյրան Նիկողոսյանի և ավագ մարզիչ Անդրանիկ Այվազյանի ղեկավարությամբ: Հայաստանի հավաքականը կազմված էր Երևանի հրաձգության մանկապատանեկան մարզադպրոցի և Հրաձգության հանրապետական սաներից:

Հիշեցնենք, որ երեկ  վազող թիրախ, 10մ, երիտասարդ աղջիկների պայքարում Լիլիթ Մկրտչյանը հռչակվել էր Եվրոպայի երիտասարդների առաջնության չեմպիոն: