Ավարտվեց Եվրոպայի առաջնությունը

Երեկ Դորտմունդում ավարտվեց ըմբշամարտի Եվրոպայի առաջնությունը:

Մեծ էին սպասելիքները Եվրոպայի նախկին չեմպիոն Արսեն Ջուլֆալակյանից, ով հանդես էր գալիս 74 կգ քաշային կարգում:  Սակայն բրոնզե մեդալի համար պայքարում հայ ըմբիշը պարտվեց Ռուսաստանը ներկայացնող Ռոման Վլասովին` մնալով ձեռնունայն: Իսկ նրա քաշային կարգում չեմպիոն դարձավ ադրբեջանցի մարզիկը:

96 կգ քաշային Արթուր Ալեքսանյանը եզրափակիչ գոտեմարտում զիջեց բելառուս Տիմոֆեյ Ձեյնիչենկոյին: Գյումրեցին առաջին անգամ էր հանդես գալիս մեծահասակների առաջնությունում, սակայն առաջին իսկ փորձից կարողացավ լավ արդյունքի հասնել:

Ընդհանուր հաշվով` Հայաստանի հավաքականը 4 մեդալ նվաճեց Գերմանիայում՝ 1 ոսկե, 1 արծաթե և 2 բրոնզե: