Բոլորս մեր հույսը կորցրել ենք. Սարգիս Քլոյան

 Ազատության հրապարակում մեկնարկել է ՀԱԿ-ի հրավիրած` մարտի 1-ի ամենամյա հանրահավաքը: Հանրահավաքը մեկնարկեց ՀՀ օրհներգով: Ելույթով հանդես եկավ մարտի 1-ին զոհված Գոռ Քլոյանի հայրը՝ Սարգիս Քլոյանը:

Նա հայտարարեց, որ այս յոթ տարիների ընթացքում ոչ մի բացահայտում չեղավ: Պատմեց, որ երբ Գեւորգ Կոստանյանը նշանակվել է գլխավոր դատախազ, հանդիպել է զոհվածների ծնողներին եւ տղամարդավարի խոստացել, որ սայլը տեղից կշարժվի, ճանապարհային քարտեզ է ներկայացրել, ասել, որ գործերն առանձնացրել են, այժմ տարբեր քննիչների մոտ են գործերը: Բայց, միեւնույն է, որեւէ տեղաշարժ չկա: «Մենք բոլորս մեր հույսը կորցրել ենք, միայն իշխանափոխության ենք սպասում»,- ասաց նա: