Հալեպում դարձյալ հայ է զոհվել, կան վիրավորներ

Երեկ՝ փետրվարի 26-ին, զինված ահաբեկչական խմբավորումների կողմից Հալեպում իրականացված հրթիռակոծությունների հետևանքով մահացել է 1964 թվականի ծնված Հակոբ Գաբրիելյանը. տեղեկացնում է «Գանձասարը»-ը:

Հրթիռակոծությունների հետևանքով վիրավորվել են նաև Շողեր Արսլանյանն ու Սոսի Ստամբուլյան-Օհանյանը:

Փետրվարի 21-ին դարձյալ հրթիռակոծությունների զոհ էին դարձել 1970 թվականի ծնված Սագո (Սարգիս) Գարագյուլյանն ու 1981 թվականի ծնված Հարութ Ագսանյանը, վիրավորվել էին Լևոն Բարսեղյանը, Նազո Ագսանյանը, Հովսեփ Չալօղլյանը, Ավո Զարմինյանն ու Ժագ Ասլանյանը:

Պայթյունները նյութական ծանր վնասներ են պատճառել շրջանի մեքենաներին և խանութներին: