«Ուլիս»-ը նվազագույն հաշվով հաղթեց ռուսական թիմին

Անթալիայում ուսումնամարզական հավաք անցկացնող  Երևանի «Ուլիս»-ն  այսօր  առաջին հաղթանակը տոնեց անցկացրած ստուգողական խաղերում:

Գագիկ Սիմոնյանի  թիմը, մրցելով Ռուսաստանի առաջին լիգայի ներկայացուցիչ «Սախալին» թիմի հետ, առավելության հասավ 1:0 հաշվով: Հաղթանակ գնդակը խփեց Հովհաննես Գոհարյանը:

Ինչպես տեղեկացնում է երևանյան ակումբի մամուլի ծառայությունը,  թիմի մեկնարկային կազմում խաղադաշտ էին դուրս եկել այն ֆուտբոլիստները, ովքեր հանգստանալու և վերականգնվելու հնարավորություն էին ստացել մինչև «Ուֆայի» հետ հանդիպումը, որը կայացավ երկու օր առաջ: Խաղի ընթացքում «Ուլիսի» կազմում բազմաթիվ փոփոխություները տեղի ունեցան, և խաղալու հնարավորություն ստացան բոլորը:

Գագիկ Սիմոնյանը մեկնարկային կազմում ընդգրկել էր հետևյալ ֆուտբոլիստներին`

 Արսեն Բեգլարյան,Ռադե Դուգալիչ, Իսամա Զեգրե, Ռադե Դուգալիչ, Իվան Մամախանով, Դենիել Օզբիլիս, Գալակտիոն Զոիձե, Անդրեյ Բելոմիցև, Վլադիմիր Պապիկյան, Գոոռ Օգանեսյան, Հովհաննես Գոհարյան:

Փոխարինման դուրս եկան` Գրիգոր Մելիքսեթյանը, Տիգրան Դավթյանը, Նիկա Պիլիևը, Իրակլի Գեպերիձեն, Իրակլի Չեժիան, Գեորգի Խուբուան, Կոնստանտին Մորոզովը: