Անցած ամիս 5000 քաղաքացի չի վերադարձել Հայաստան

Քաղաքացիական ավիացիայի վարչության հրապարակած տվյալների համաձայն` 2015-ի հունվարին «Զվարթնոց» և «Շիրակ» օդանավակայանները սպասարկել են մոտավորապես 134 հազար ուղևորի, ինչը շուրջ 1 տոկոսով ավելի է` 2014 թվականի նույն ժամանակահատվածի ցուցանիշի համեմատ: Այս տարվա հունվարին Հայաստանից օդային ճանապարհով մեկնել է 69.000 ուղևոր և ժամանել ընդամենը 64.000-ը, այսինքն` մեկ ամսվա տվյալով` 5000 ուղևոր չի վերադարձել Հայաստան:

Վարչությունը հրապարակել է մեկ այլ ցուցանիշ, համաձայն որի` Հայաստանից 2015-ի հունվարին օդային ճանապարհով առաքվել է 240 տոննա բեռ, ինչը ավելի քան 3 անգամ քիչ է 2014-ի հունվարի ցուցանիշից: Ներմուծված բեռների քանակը նույն ժամանակահատռվածում 189 տոննա է եղել` 2014-ի հունվարի համեմատ: