Ալիևը Դավութօղլուի հետ քննարկել է Արցախյան հակամարտությունը

Ադրբեջանական APA գործակալությունը հաղորդել է, որ Ադրբեջանի նախագահ Իլհամ Ալիևը երեկ Թուրքիա կատարած պետական այցելության ընթացքում հանդիպել է երկրի վարչապետ Ահմեդ Դավութօղլուի հետ. տեղեկացնում է Asbarez-ը:

Հանդիպման ընթացքում քննարկվել են երկկողմանի հարաբերություններին առնչվող մի շարք հարցեր: Նախագահն ու վարչապետը ընդգծել են տնտեսության, էներգետիկ և այլ ոլորտներում համագործակցության կարևորությունը: Քննարկվել են նաև երկրների համատեղ ծրագրերը, հատկապես` Բաքու-Թբիլիսի-Կարս երկաթգծի նախագիծը, ապա ընդգծվել է Լեռնային Ղարաբաղի հակամարտության լուծման հարցի կարևորությունը:

Կողմերը նշել են, որ ադրբեջանա-թուրքական կապերը դրական կերպով կազդեն տարածաշրջանային համագործակցության վրա և կնպաստեն Արցախի հակամարտության լուծմանը՝ «պահպանելով Ադրբեջանի հողային ամբողջականությունը»:

Թուրքիայի նախագահ Ռեջեփ Թայիփ Էրդողանի հետ հանդպումից հետո Ալիևը հայտարարել է, որ Թուրքիայի հետ ռազմական ոլորտում «համագործակցության խորացման հարցում մեծ ծրագրեր կան»: