Ցուցարարների վերջնագիրը` մեկ օր ժամանակ տվեցին

102-րդ ռուսական ռազմաբազայի մոտ հավաքված մի քանի հազար քաղաքացիները փորձում են որոշում կայացնել հետագա ռազմավարության վերաբերյալ: «Ասպարեզ» ակումբ» ՀԿ-ի նախագահ Լևոն Բարսեղյանը ներկայացրեց որոշման երեք տարբերակ, որը պետք է դրվի քաղաքացիների քվեարկությանը:

Առաջին տարբերակով քաղաքացիները իրավապահ մարմիններին տալիս են երկու օր ժամանակ, որպեսզի ոճրագործին հանձնեն Հայաստանի իրավապահ մարմիններին: Երկրորդ տարբերակով մեկ օր ժամանակ են տալիս, իսկ երրորդ տարբերակով ժամանակ չեն տալիս, այլ տեղում սպասելու են այնքան, մինչև իրենց պահանջը բավարարվի:

Ի վերջո, վերջնական որոշում կայացվեց` մեկ օր ժամանակ տալ: Վաղը` ոճրագործության զոհերի հուղարկավորությունից հետո, ժամը 17-ին քաղաքացիները հավաքվելու են ու պատասխան են պահանջելու:

Ցուցարարները հեռացան` ոմանք` տուն, ոմանք` եկեղեցի, որտեղ ընթանում է սպանվածների հոգեհանգստի արարողությունը: