Պերմյակովը գտնվում է Հայաստանում, նրա տեղափոխումն այդքան շուտ չի լինի

Գյումրիում ընտանիքի 6 անդամների սպանության մեջ կասկածվող Վալերի Պավելի Պերմյակովը գտնվում է Հայաստանում, նրա տեղափոխումն այդքան շուտ չի լինի. հայտնել է News.am-ի` իրավապահ համակարգին մոտ աղբյուրը: Այսօր լրանում է Պերմյակովի ձերբակալության 48 ժամը, պետք է որոշվի խափանման միջոցի ընտրության հարցը:

«Ըստ որում՝ Ռուսաստանի օրենսդրությունը թույլ է տալիս անձի նկատմամբ խափանման միջոց ընտրել մինչեւ մեղադրանք առաջադրելը: Վալերի Պերմյակովը գտնվում է ռուսական ռազմաբազայում՝ ուժեղացված հսկողության ներքո: Առաջիկայում նախատեսվում է միացնել նրա դեմ հարուցված երկու գործերն էլ:

Սպանության մասով գործի քննությունը պետք է կատարվի այստեղ, այդ պատճառով էլ Պերմյակովը կմնա Հայաստանում, որպեսզի մասնակցի քննչական գործողությունների, փորձարարությունների եւ այլն»,- գրում է կայքը:

Մանրամասն՝ սկզբնաղբյուրում: