Անեծքների տարափ. հրապարակվեց «Բանդայի գործով» վճիռը

Քիչ առաջ Կենտրեն և Նորք-Մարաշ վարչական շրջանների ընդհանուր իրավասության դատարանում, երկու տարուց ավելի տևած դատաքննությունից հետո, վերջապես հրապարակվեց մի շարք պաշտոնյաների և մեծահարուստների տներ թալանած բանդայի գործով դատավճիռը:

 

Ըստ այդմ՝ որոշվեց ամբաստանյալ Արտուշ Հակոբյանին (Գառնու «Սուրիկի լավաշ»-ի սեփականատիրոջ որդին)  արդարացնել ՀՀ ՔՕ 268-րդ հոդվածի 2-րդ մասի 2-րդ կետով (թմրանյութերի ապօրինի շրջանառություն), իսկ մյուս հոդվածներով մեղավոր ճանաչել ու դատապարտել ազատազրկման` 15 տարի ժամկետով: Գործով ամբաստանյալ Դավիթ Գալստյանն ու Սամվել Դավթյանը նույնպես դատապարտվեցին 15 տարվա ազատազրկման, իսկ Արթուր Մանուկյանը՝ 11 տարվա ազատազրկման:

 

Դատավճռի հրապարակումից հետո Արտուշ Հակոբյանը հայտարարեց՝ «վերևն Աստված կա», իսկ դահլիճում գտնվող նրա քույրը անեծքներ հնչեցրեց դատարանի հասցեին: 

 

Նշենք, որ դահլիճում էր գտնվում Արտուշ Հակոբյանի որդին, ով, Yerkir.am-ի տեղեկություններով, այս գիշեր է վերադարձել զինվորական ծառայությունից:

 

Հիշեցնենք, որ բանդան վնասազերծվել էր 2011-ի սեպտեմբերի 21-ի լույս 22-ի գիշերը` Մյասնիկյանի պողոտայում:

 

Մանրամասները և տեսանյութը` քիչ հետո: