ՀՀ ԱԳՆ-ն պնդում է` Ազնավուրին հուշանվեր են տվել, որը ներկայացնում են որպես մրցանակ

Արդեն տեղեկացրել ենք, որ «ՍիվիլՆեթ»-ը կապ է հաստատել Posta թերթի խմբագրության և Ազնավուրի հետ հարցազրույցի հեղինակ, թուրք պրոդյուսեր Էրքան Օզերմանի հետ, և նա հաստատել է, որ Ազնավուրն ընդունել է մրցանակը: Լրագրողը «ՍիվիլՆեթ»-ին է տրամադրել նաև լուսանկարներ` Ազնավուրը` մրցանակը ձեռքին:

Yerkir.am-ի հետ զրույցում ՀՀ ԱԳ նախարարի մամլո խոսնակ Տիգրան Բալայանը նշեց, որ իրենք պնդում են` Ազնավուրը որևէ մրցանակ չի ընդունել: «Հանդիպման ընթացքում որևէ մրցանակի մասին խոսք անգամ չի եղել: Ազնավուրին հանձնել են հուշանվեր` իր մոր` Իզմիթ քաղաքի խորհրդանիշը, որն էլ թուրք լրագրողը հետո ներկայացրել է իբրև մրցանակ»,- ասաց նա:

Հիշեցնենք, որ Ազնավուրի՝ աղմուկ հանած հարցազրույցի կապակցությամբ երեկ ԱԳՆ-ն հայտարարություն տարածեց. «Շառլ Ազնավուրը որևիցե թուրքական թերթի հարցազրույց չի տվել և մրցանակ չի ընդունել»:

Լուսանկարը` «ՍիվիլՆեթ»-ի: