Թոքմաջյանը մտահոգված է պաշտոնը կորցնելու հեռանկարից

ՀՊՃՀ ռեկտոր Հովհաննես Թոքմաջյանի ֆեյսբուքյան «սեքս-սկանդալի» գործով նախաքննությունը դեռևս շարունակվում է: Որևէ անձի հանդեպ մեղադրանք չի առաջադրվել: Այս մասին Yerkir.am-ին հայտնեցին Հատուկ քննչական կոմիտեից:

Yerkir.am-ի տեղեկություններով` Հ. Թոքմաջյանը վերջին շրջանում բավականին մեկուսացվել է եւ ամեն պահի սպասում է, որ Աշոտյանն իրեն հեռացնելու է ռեկտորի պաշտոնից:

Հիշեցնենք, որ վերջերս անհայտ կայքերից մեկում անհայտ անձը հրապարակել էր իբր ռեկտորի ֆեյսբուքյան նամակներից հատվածներ, որոնց համաձայն` նրա և բուհի վարչության պետերից մեկի միջև սեքսուալ կապ կա: Այս նամակներում անդրադարձ կա նաև ՀՀ ԿԳ նախարար Արմեն Աշոտյանին, որի հասցեին անվայել խոսքեր են ասվում: Սակայն հրապարակումից որոշ ժամանակ անց ռեկտոր Հ. Թոքմաջյանը հայտարարեց, որ իր ֆեյսբուքյան էջը կոտրել են, և այդ նամակագրությունը սարքելու պահին ինքն օնլայն չի եղել: Ուշագրավ է, որ, ըստ մեզ հասած լուրերի, Աշոտյանը հավատացած է, որ նամակագրությունը համապատասխանում է իրականությանը եւ հարմար պահի է սպասում՝ ռեկտորին պաշտոնից հեռացնելու համար: