Խանութից կենդանի ձուկ էին գողացել

Հոկտեմբերի 5-ին, ժամը 03.00-ին, ոստիկանության Քանաքեռ-Զեյթունի բաժնում հաղորդում էր ստացվել, որ գիշերը, պատուհանից մտնելով Ռուբինյանց փողոցի 28/1հասցեում գործող խանութը, գողացել են կենդանի ձկներ` պատճառելով 100.000 դրամի նյութական վնաս:

Ոստիկանության ծառայողները պարզել են, որ գողությունը կատարել են 1960 թ. ծնված Վահան Հ.-ն, ոմն Գևոր և Հայկ:
Վահան Հ.-ն բերման է ենթարկվել բաժին և տվել խոստովանական բացատրություն:

Ոստիկանության ծառայողները պարզել են, որ Գևորը 1983 թ. ծնված Գևորգ Մ.-ն է, որին հոկտեմբերի 7-ին` ժամը 08.30-ին, Դրոյի փողոցի տներից մեկից բերման են ենթարկել բաժին:

Ձեռնարկվում են միջոցառումներ Հայկի ինքնությունը պարզելու և նրան հայտնաբերելու ուղղությամբ