«Իսլամական պետության» շարքերում տասնյակ ռուսաստանցիներ կան. ՌԴ ԱԳՆ

Ռուսաստանի փոխարտգործնախարար Միխայիլ Բոգդանովը ենթադրություն է հայտնել, որ Սիրիայում և Իրաքում գործող «Իսլամական պետություն» խմբավորման գրոհայինների շարքերում ՌԴ տասնյակ քաղաքացիներ կան:

«Ըստ էության` մենք գործ ունենք ահաբեկչական ինտերնացիոնալի հետ»,- ասել է նա Коммерсант-ին տված հարցազրույցում:

Նա նշել է, որ խմբավորման անդամները հմտություններ  են ձեռք բերում գրոհայինների հսկողության տակ գտնվող տարածքներում, ինչից հետո սպառնալիք են դառնում իրենց երկրների համար:

Բոգդանովի խոսքերով՝ «Իսլամական պետության» շարքերում 70-80 երկրների քաղաքացիներ կան: Ընդ որում՝ նրանք անձնագրեր ունեն, մասնավորապես՝ արևմտյան երկրների, և կարող են ազատ տեղաշարժվել առանց վիզաների և ստուգումների: «Դա շատ վտանգավոր է»,- ընդգծել է Բոգդանովը: