Քրդերը Սիրիայում «Իսլամական պետության» շարքերում կռվող ադրբեջանցու են մահապատժի ենթարկել

Սիրիական Քոբանի քաղաքում քուրդ զինյալները մահապատժի են ենթարկել ադրբեջանցի մի երիտասարդի, որը կռվել է «Իսլամական պետություն» խմբավորման շարքերում. հայտնում է ադրբեջանական АПА-ն: 

Թուրքիայում հաստատված  քուրդ փախստական Ջունեյթ Հեմոն պատմել է France Press-ին, որ ադրբեջանցին եղել է մոտ 20 տարեկան: Նրա խոսքերով՝  ադրբեջանցուն գերի են վերցրել փոխհրաձգության ընթացքում և տարել մզկիթ:

«Նրա հետ խոսեցինք և փորձեցինք փոխել տեսակետը: Սակայն նա մշտապես մեզ անհավատներ էր անվանում: Նա ասաց, որ եկել է Ադրբեջանից, որպեսզի «այս հողերը փրկենք անհավատներից»: Նա մեզ խնդրում էր, որ սպանենք իրեն, քանի որ այդպես նա դրախտ կընկնի»,- պատմել է Հեմոն: 

Քուրդ զինյալի խոսքով՝ հարցաքննության ընթացքում ադրբեջանցին միայն խնդրել է սպանել իրեն: Երբ վիճաբանությունը երկար է տևել, քուրդ զինյալները նրան սպանել են՝ կրակելով գլխին: