Հայաստանի ազգային հավաքական է հրավիրվել ևս 9 ֆուտբոլիստ

Արդեն տեղեկացրել ենք, որ օգոստոսի 15-ին Հայաստանի ազգային հավաքականի գլխավոր մարզիչ Բեռնար Շալանդը, Լատվիայի և Դանիայի հավաքականների հետ կայանալիք հանդիպումների համար, հրավեր էր ուղարկել Հայաստանի ազգային հավաքականի թեկնածու այն ֆուտբոլիստներին, ովքեր հանդես են գալիս արտերկրում: Ինչպես տեղեկացնում է ՀՖՖ հավաքական թիմերի բաժինը, այսօր Բեռնար Շալանդը հավաքին է հրավիրել արտերկրում հանդես եկող ևս երեք ֆուտբոլիստների, ինչպես նաև Հայաստանի առաջնությունում հանդես եկող հետևյալ ֆուտբոլիստներին`

Հովհաննես Համբարձումյան, «Վարդար», ՆՀՀ Մակեդոնիա

Լևոն Հայրապետյան, «Պրիբրամ», Չեխիա

Արտակ Դաշյան, «Վարդար», ՆՀՀ Մակեդոնիա

Գևորգ Կասպարով, «Միկա»

Արսեն Բեգլարյան, «Ուլիս»                

Վարազդատ Հարոյան, «Փյունիկ»

Տարոն Ոսկանյան, «Փյունիկ»

Ռումյան Հովսեփյան, «Բանանց»

Կամո Հովհաննիսյան, «Փյունիկ»

Ինչպես ՀՖՖ պաշտոնական կայքին տեղեկացրել է Հայաստանի ազգային հավաքականի գլխավոր մարզիչ Բեռնար Շալանդը, հնարավոր է, որ ևս մեկ ֆուտբոլիստ հրավիրվի հավաքական:

Մոսկվայի «Սպարտակ»-ում հանդես եկող Յուրա Մովսիսյանը և Արաս Օզբիլիսը չեն ընդգրկվել մարզական հավաքին մասնակցող ֆուտբոլիստների կազմում վնասվածքների պատճառով: Յուրա Մովսիսյանը մարզվում է անհատական ծրագրով, իսկ Օզբիլիսը բուժման ընթացքի մեջ է:

Լատվիայի և Դանիայի հավաքականների հետ հանդիպումներին նախապատրաստվելու նպատակով նախատեսված մարզական հավաքի ծրագիրը կհրապարակվի ավելի ուշ:

Հայաստանի ազգային հավաքականը սեպտեմբերի 3-ին կանցկացնի ընկերական հանդիպում Լատվիայի ընտրանու հետ, իսկ սեպտեմբերի 7-ին Կոպենհագենում կհանդիպի Դանիայի հավաքականին ԵՎՐՈ-2016 մրցաշարի ընտրական փուլի շրջանակներում:

Աղբյուր՝ ffa.am