ՌԴ-ն արգելել է ուկրաինական ավիաընկերությունների տարանցիկ չվերթները դեպի Հայաստան

Ռուսաստանը ի պատասխան Արևմուտքի պատճամիջոցների որոշում է կայացրել դադարեցնել իր օդային տարածքով ուկրաինական ավիաընկերությունների տարանցիկ չվերթները դեպի Հայաստան, Վրաստան, Ադրբեջան և Թուրքիա: Այդ մասին ՌԴ կառավարության նիստին ասել է ՌԴ վարչապետ Դմիտրի Մեդվեդևը. հայտնում Россия Сегодня-ն:

Բացի այդ,  Ռուսաստանը միջոցներ է մշակում ռուսական օդային տարածքով դեպի Ասիա-խաղաղօվկիանոսյան տարածաշրջանի երկրներ արևմտյան ավիաընկերությունների թռիչքների արգելման ուղղությամբ:

Մեդվեդևի խոսքերով՝ ՌԴ  կառավարությունը ներկայումս քննարկում է մի շարք պատասխան քայլեր: 

Ռուսասանը դիտարկում է նաև եվրոպական ավիափոխադրողների չվերթների համար ռուսական տարածք մտնելու և դուրս գալու կետերի փոփոխության մասին հարցը, ինչը կհանգեցնի ընկերությունների ծախսերի աճին: