Հանրապետության հրապարակում եզդիները վիճում էին՝ Օջալանի նկարի պատճառով

Այսօր Հանրապետության հրապարակում, Հայփոստի շենքի մոտ էին  հավաքվել Հայաստանում եզդիական համայնքի բազմաթիվ ներկայացուցիչներ։  Եզդիները միմյանց հետ վիճում էին։ Yerkir.am-ի հարցին՝ թե ի՞նչ միջոցառում է, և ինչո՞ւ են եզդիները միմյանց հետ վիճում, «Սինջար» եզդիների ազգային միավորման նախագահ բորիս Մուրազին նշեց,  որ եզդիական համայնքը այսօր բողոքի ակցիա է անցկացնում՝  ի պաշտպանություն Իրաքում բռնությունների ենթարկվող եզդիների, սակայն եզդիների մի հասարակական կազմակերպություն բողոքի ակցիային ներկայացել է Օջալանի նկարը  կրող պաստառով, որի շուրջ էլ վիճաբանություն է սկսվել։

 Հիշեցնենք, որ Աբդուլլա  Օջալանը քուրդ քաղաքական ու ռազմական գործիչ է, Քրդական աշխատավորական կուսակցության առաջնորդը: 1999 թվականից ի վեր նա ցմահ ազատազրկում է կրում Իմրալի կղզում: