Մերկելի աշխատակազմը չի տարբերում թուրքական դրոշը չինականից

Գերմանիայի կանցլեր Անգելա Մերկելի` Չինաստան 3-օրյա այցելության ժամանակ նրա աշխատակազմը սկանդալային վրիպում է արել: Այս մասին հայտնում է Haberturk-ը:

Գերմանիայի պատվիրակությունն այցելության համար նախատեսված կրծքանշանների համար չինական դրոշի փոխարեն օգտագործել է թուրքական դրոշը, որը մեծ սկանդալի պատճառ է դարձել:

Այս մասին Huffington Post-ը «Ամոթալի վրիպակ» վերնագրով լուր է հրապարակել, որում պնդել է, որ Մերկելի աշխատակազմը չի տարբերում թուրքական դրոշը չինականից:

Կրծքանշանի լուսանկարը Twitter-յան իր էջում տեղադրել է նաև գերմանացի լրագրող Ռոբին Ալեքսանդրը և անդրադարձել սխալ դրոշ օգտագործելու փաստին: