Ուկրաինացի լրագրողը կոչ է անում գալ և տեսնել Պորոշենկոյի ֆաշիզմը

Ուկրաինացի լրագրող Ալեքսանդր Ժիլինը ֆեյսբուքյան իր էջում  համաշխարհային լրագրողական հանրությանը կոչ է արել գալ Ուկրաինայի արևելք և սեփական աչքերով տեսնել  Վաշինգտոնի կողմից ղեկավարվող ուկրաինական ֆաշիզմի հետևանքները:

«Այստեղ գալով՝ դուք կհասկանաք՝ ինչ է դժոխքը: Դուք կտեսնեք՝  ինչպես են ամեն օր մարդկանց սպանում՝ երեխայից մինչև տարեց: Կհասկանաք,  որ Պորոշենկոյի ֆաշիզմը Հիտլերի ֆաշիզմից ավելի սարսափելի է»,- գրել է նա:

 Ժիլինը նշում է, որ լրագրողների առկայությունը երկրի արևելքում անհրաժեշտ է, որպեսզի իշխանությունները վախենան մեծ հնչեղությունից և դադարեցնեն  մարդկանց տոտալ ոչնչացումը: ԵՄ երկրները, ըստ նրա, նույնպես կվախենան, որ ժողովուրդը, հասկանալով՝ ում են նրանք աջակցում, նրանց աղբաման կուղարկի: