Լուրջ խոսակցություն եմ ունեցել մշակույթի նախարարի հետ. Հովիկ Աբրահամյան

Վերջին օրերին Գառնիում եւ Զվարթնոցում կատարված միջոցառումները մեծ աղմուկ բարձրացրեցին: Մի քանի լրագրողներ վարչապետ Հովիկ Աբրահամյանից հետաքրքրվեցին, թե ինչպե՞ս է վերաբերվում այդ ամենին:

Նա հայտարարեց, որ լուրջ խոսակցություն է ունեցել մշակույթի նախարար Հասմիկ Պողոսյանի հետ եւ պահանջել է քայլեր ձեռնարկել՝ նման դեպքերից խուսափելու համար:

«Անպայման մարդիկ կպատժվեն»,-ասաց Հովիկ Աբրահամյանը եւ հիշեցրեց, որ ազատվել է «Զվարթնոց» պատմամշակութային արգելոց-թանգարանի մասնաճյուղի վարիչը, իսկ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Վլադիմիր Պողոսյանին հայտարարվել է խիստ նկատողություն:

Վարչապետը վստահեցրեց, որ հարցն իր ուշադրության կենտրոնում է լինելու: