Ճապոնիան Հայաստանին կտրամադրի 2 մլն դոլարի արտադրանք

ՀՀ արտաքին գործերի նախարարությունում Հայաստանի և Ճապոնիայի կառավարությունների միջև կնքվել է Ճապոնիայի կողմից ՀՀ արտակարգ իրավիճակների նախարարությանը դրամաշնորհ տրամադրելու մասին համաձայնագիր: Դրանով հայկական կողմին կտրամադրվի Ճապոնիայի փոքր և միջին ձեռնարկությունների արտադրանք, որը համարժեք է 200 մլն յենին (1,93 մլն ԱՄՆ դոլարին):

Համաձայնագիրը ստորագրել են արտակարգ իրավիճակների փոխնախարար Հայկարամ Մխիթարյանը և Հայաստանում Ճապոնիայի դեսպան Տիկահիտո Հարադան:

Ստորագրման արարողությունից հետո արտաքին գործերի նախարարի տեղակալ Սերգեյ Մանասարյանն ընդունել է Տիկահիտո Հարադային: Հանդիպմանը երկուստեք ընդգծվել է, որ Հայաստանում Ճապոնիայի դեսպանության բացումը նոր խթան կհաղորդի փոխգործակցության զարգացմանը: Այս մասին հայտնում է ՀՀ արտգործնախարարության կայքը: