Սպանե՞լ ես, թե՞ սպանում ես. թուրք ոստիկանի և կնոջը հոսանքահարած ամուսնու սկանդալային զրույցը

Տիգրանակերտում ամուսինը կնոջը սպանելիս զանգահարել է ոստիկանություն, սակայն ամուսնու՝ ոստիկանի հետ զրույցն ավելի մեծ սկանդալ է առաջացրել, քան կնոջ մահը:

Ըստ T24-ի՝ 29-ամյա Վեյսի Թուրանը նոր ծննդաբերած կնոջը հոսանքահարելով սպանելիս զանգահարել է ոստիկանություն: Ոստիկանը նրան դա չանել համոզելու փոխարեն, զրուցել է նրա հետ` ասելով. «Հիմա սպանե՞լ ես արդեն, թե՞ սպանում ես»:

Դեպքից հետո ընտանիքի փաստաբանն ասել է. «Ակնհայտ է, որ րոպեներ շարունակ հանցագործի հետ զրուցած ոստիկանը նրան այդ քայլից հետ պահելու համար ոչ մի քայլ չի ձեռնարկել: Եթե նա փորձեր համոզել ամուսնուն, հնարավոր է, որ կինն այժմ ողջ լիներ»: