Արտեմ Ասատրյանին պատգամավորները ոչ մի հարց չունեին տալու

Այսօր` Ազգային ժողովում 2013թ. բյուջեի կատարողականի քննարկումների ժամանակ, հաշվետվության հերթը ՀՀ աշխատանքի և սոցիալական հարցերի նախարարությանն էր: Նախարար Արտեմ Աստարյանը նախ նշեց, որ գործազրկությունը փոքր-ինչ նվազել է` կազմելով 16, 2 տոկոս` անցյալ տարվա 17,3-ի փոխարեն:

Նշենք, որ հաշվետվությունից հետո ԱԺ պատգամավորները որևէ հարց չհնչեցրին այս կարևորագույն ոլորտի` սոցիալական հարցերի նախարարության քաղաքականության վերաբերյալ:

Լրագրողների այն հարցին` արդյոք նախարարը պայմանավորվե՞լ էր պատգամավորների հետ, որ նրանք հարցեր չուղղեին ոլորտի վերաբերյալ, Արտեմ Ասատրյանը պատասխանեց. «Բացարձակ: Պատգամավորները հարցեր տալիս են այն դեպքում, երբ հարցադրումները շատ առարկայորեն իրենց հուզում են, և տվյալ դեպքում եթե հարցեր չեն եղել, ուրեմն բյուջեի կատարողականի վերաբերյալ բոլոր հարցերին պատասխաններ ունեցել են»: