Արցախում հրաժեշտ տվեցին անմահացած զինվորին

Այսօր Պաշտպանության բանակի զինծառայող, հայրենիքի պաշտպանության համար նահատակված 19-ամյա եֆրեյտոր Էրիկ Գասպարյանին վերջին հրաժեշտը տվեցին հարազատները, նաև հարյուրավոր քաղաքացիներ:

Karabakh-life.am կայքի հաղորդմամբ` զինվորի հարազատներին վշտակցելու էին եկել Արցախի նախագահ Բակո Սահակյանը, պետական այրեր, բարձրաստիճան սպաներ, ծառայակից ընկերներ:

Էրիկի հուղարկավորությունը կատարվեց պատվո պահակախմբի ու զինվորական նվագախմբի ուղեկցությամբ: Հոգեհանգստի և թաղման արարողակարգը կատարեց Արցախի թեմի փոխառաջնորդ Սահակ վարդապետ Շաքարյանը: Զինվորի աճյունը ամփոփվեց պապական գյուղի` Շոշի գերեզմանոցում:

Հիշեցնենք, որ Էրիկ Գասպարյանը զոհվել էր մայիսի 27-ի լույս 28-ի գիշերը ղարաբաղաադրբեջանական հակամարտ զորքերի շփման գծի հարավային ուղղությամբ թշնամու ձեռնարկած հերթական հետախուզադիվերսիոն ներթափանցման փորձը կանխելու ժամանակ: Հայկական կողմից նաև վիրավորվել էր 4 զինծառայող, որոնց կյանքին վտանգ չի սպառնում: Թշնամին տվել էր առնվազն երկու զոհ: