ՏԵՍԱՆՅՈՒԹ․ Զոհված մայոր Գարուշ Համբարձումյանին հրաժեշտ տվեցին «Եռաբլուրում»

Տավուշի մարտական դիրքը պահելիս՝ հակառակորդի կրակոցից զոհված 31-ամյա մայոր Գարուշ Համբարձումյանին հուղարկավորեցին «Եռաբլուր» պանթեոնում՝ հայտնում է Yerkir.am-ը։

Ներկա են ՀՀ վարչապետ Նիկոլ Փաշինյանը, պաշտպանության նախարար Դավիթ Տոնոյանը, այլ  պաշտոնյաներ։

Գարուշ Համբարձումյանին հուղարկավորությունը կատարվեց զինվորական կարգով։

Ամենայն Հայոց Վեհափառ Կաթողիկոսն իր հայրապետական օրհնանքը բերեց հայրենի մեր պետության սահմանների անսասանության համար զոհված մարտիկի հոգու հանգստության համար։  Նրան ճանապարհեցին աղթքով։

Ապա ՀՀ պետական եռագույն դրոշը զինվորական կարգով եռածալ արեցին և հանձնեցին մարտիկի ծնողներին։

Փաշինյանն ու Տոնոյանը մոտեցան Համբարձումյանի ծնողներին և կնոջը, ցավակցություն հայտնեցին։

Ադրբեջանական կրակոցներից զոհված մայոր Գարուշ Համբարձումյանը Լոռու մարզի Բազում համայնքից էր։ Նա ամուսնացած էր, ուներ 2 որդի։

Մանրամասն՝ տեսանյութում․